chutukugala hosa saradi…….

ಅಂತರಂಗ

ಅಕ್ಕರೆಯಿಂದ ನೀ ತೋರುವ ಪ್ರೀತಿ…..
ಅಂತರಂಗದಲ್ಲಿ ಮೂಡಿಸಿತೊಂದು ಭೀತಿ…
ನೋಡಿ, ನಿನ್ನ ಕಣ್ಗಳಲ್ಲಿ ತುಂಬಿರುವ ಆ ಕಾಂತಿ…..
ನನ್ನ ಮನಸ್ಸಲ್ಲಿ ಮನೆ ಮಾಡಿರುವುದು ಶಾಂತಿ.

akkareyinda nee toruva preeti…..
antarangadalli moodisitondu bheeti…
nodi, ninna kaNgaLalli tumbiruva aa kaanti…..
nanna manassalli mane maadiruvudu shaanti.

____________________________________________________________________________________

ನನ್ನೊಲವೆ

ಬಾಳಲ್ಲಿ ನಿನ್ನನ್ನೇ ಅರಸಿ ಬಂದಿರುವೆ……
ನನಗಾಗಿ ಸಂತಸವ ನೀ ತಂದಿರುವೆ…..
ನಿನ್ನೊಂದಿಗೆ ನೂರಾರು ಕನಸ ಕಟ್ಟಿರುವೆ…..
ಎಂದೆಂದು  ಜೊತೆಗಿರು ನೀ, ಓ ನನ್ನ ಚೆಲುವೆ.

baalalli ninnannee arasi bandiruve……
nanagaagi santasava nii tandiruve…..
ninnoandige nooraaru kanasa kattiruve…..
eandeandu  jotegiru nii, oo nanna cheluve.

____________________________________________________________________________________

ಹೂವಾದ ಜೀವ

ಆಡಿ ನಲಿಯುವ ಮುದ್ದಿನ ಮನಸ್ಸಲ್ಲಿ….
ಹೂವಿನಂತೆ ಅರಳಿತೊಂದು ಪ್ರೀತಿಯ ಭಾವ…..
ಅಂದ ಚೆಂದದ ಕನಸ ಕಾಣುತಲಿ…..
ಬಾನಲ್ಲಿ ತೇಲಾಡಿ ನಲಿಯುತಿದೆ ಜೀವ.

aaDi naliyuva muddina manassalli….
hoovinante araLitondu preetiya bhaava…..
anda chendada kanasa kaaNutali…..
baanalli telaaDi naliyutide jeeva.

____________________________________________________________________________________

ಹೃದಯಾಂತರಾಳ

ಕಣ್ಣೊಳಗಿನ ಕನಸನ್ನು ಕದಿಯಬೇಡ……..
ಸುಪ್ತ ಮನಸ್ಸಿನ ಮಾತನ್ನು ಮರಿಯಬೇಡ…….
ಹೃದಯದ ಭಾವನೆಯ ಹೇಳದಿರಬೇಡ…….
ಎಲ್ಲವನು ತನ್ನೊಳಗೆ ಅವಿತಿಟ್ಟು ಕೊರಗಬೇಡ.

kannolagina kanasannu kadiyabeda……
supta manassina maatannu mariyabeda……
hrudayada bhaavaneya mariyabeda…….
ellavanu tannolage avitittu koragabeda.

____________________________________________________________________________________

ಜೈ ಜವಾನ್

ದೇಶ ಕಾಯುವ ನಮ್ಮ ವೀರ ಯೋಧರು……
ಶತ್ರು ಸೈನ್ಯವ ಸದೆ ಬಡಿಯುವರು….
ಉಗ್ರರ ಆಟವ ಮೆಟ್ಟಿ ನಿಲುವರು…..
ವೀರ ಮರಣ ಪಡೆದರು….ನಮ್ಮ ಮನಸಲ್ಲಿ ಇರುವ ಅಮರರು.

desha kaayuva namma veera yodharu….
shatru sainyava sade badiyuvaru…..
ugrara aatava metti niluvaru…..
veera marana padedaru….namma manasalli iruva amararu.

____________________________________________________________________________________

ಒಲವಿನ ಮಾತು

ಪ್ರೀತಿಯಲ್ಲಿ ಮಿಂದ ಮನವು ಕೇಳಿತು…….
ಸನಿಹ ಚೆಂದವೋ ವಿರಹ ಅಂದವೋ???
ಹೃದಯದ ಕರೆಗೆ ಒಗೊಡುವೆಯೋ???
ಕೇಳಿಯೂ ಕೇಳದಂತೆ ನಟಿಸುವೆಯೋ?

preetiyalli minda manavu keLitu……
saniha chendavo viraha andavo???
hrudayada karege Oo goduveyo???
keLiyoo keLadante natisuveyo?

____________________________________________________________________________________

ಪ್ರತಿದ್ವನಿ

ದನಿಯೋ ಇದು ಮಳೆ ಹನಿಯೋ???
ಇಬ್ಬನಿಯೋ ನಿನ್ನ ಕಣ್ಣ ಕಂಬನಿಯೋ???
ಮಧುರ ಸ್ವರದ ಪ್ರೀತಿ ರಾಗವೋ???
ಇದು ಕನಸಲ್ಲೇ ಸವಿದ ಪ್ರೇಮ ಭಾವವೋ?

daniyo idu maLe haniyo???
ibbaniyo ninna kanna kambaniyo???
madhura swarada preeti raagavo???
idu kanasalle savida prema bhaavavo?

____________________________________________________________________________________

ಮಾಯಾಲೋಕ

ಮುಸ್ಸಂಜೆಯ ಮಡಿಲಲ್ಲಿ ಮೂಡಿದೊಂದು ಮಿಂಚು……..
ಮನಸ್ಸಿನ ಮುಳ್ಳನ್ನು ಮರೆ ಮಾಡಿತು…..
ಮಾನವಿಯತೆಯಂಬ ಮುಕ್ತಬಯಲಲ್ಲಿ…….
ಮುಗ್ಧತೆಯೂ ಮನೆ ಮಾಡಿತು.

mussanjeya maDilalli moodidondu minchu……
manassina muLLannu mare maaditu……
maanaviyateya muktabayalalli……
mugdateyu mane maaditu.

____________________________________________________________________________________

ನೀ ನನ್ನೊಳಗೆ

ಬರುಡು ಭೂಮಿಯಲ್ಲಿ ಚಿಲುಮೆಯೊಂದು ಸಿಗುವಂತೆ……
ಕಾರ್ಮೋಡಗಳ ಮಡಿಲಲ್ಲಿ ಮಿಂಚೊಂದು ಹರಿವಂತೆ……
ಬೇಸಿಗೆಯ ಬೇಗೆಯಲಿ ಮಳೆರಾಯ ಬರುವಂತೆ……
ನನ್ನೆದೆಯಲಿಂದು ಮೂಡಿತೊಂದು ಪ್ರೀತಿಯ ಭಾವ.

baRudu bhoomiyalli chilumeyondu siguvante…..
kaarmoDagala madilalle minchondu harivante……
besigeya begeyali maLeraaya baruvante……
nannedeyalindu mooditondu preetiya bhaava.

____________________________________________________________________________________

ಮನದ ನವಿಲು

ಹೃದಯಾಂತರದ ಬಯಲಲ್ಲಿ ನವಿಲೊಂದು……
ಮೈ ಮರೆತು ಗರಿಬಿಚ್ಚಿ ಕುಣಿದಾಡುತಿದೆ.
ತನ್ನೊಡಲ ಸೌಂದರ್ಯವ ತೋರಿಸುತ……
ಪ್ರೀತಿ ಮಳೆಯ ಮುನ್ಸೂಚನೆಯ ನೀಡುತಿದೆ.

hRudayaantarada bayalalli navilondu…….
mai maretu garibicchi kuNidaadutide.
tannoDala soundaryava torisuta……
preeti maleya munsoochane needutide.

____________________________________________________________________________________

ಜೈ ಕರ್ನಾಟಕ

ಬಯಸಿ ಬಂದವರ ತೋಳಲ್ಲಿ ಬಳಸಿ…….
ಅರಸಿ ಬಂದವರ ಪ್ರೀತಿಯಲಿ ಆದರಿಸಿ…..
ನೊಂದು ನರುಳುವವರ ಕಣ್ಣೀರ ವರೆಸಿ……
ಶಾಂತಿ ಮೆರೆವ…..ಸಹೃದಯಿ….ಕನ್ನಡಾಂಬೆ.

bayasi bandavara toLalli baLasi……
arasi bandavara preetiyali aadarisi….
nondu naruLuvavara kanneera varesi…..
shaanti mereva…..sahrudrahi….kannaDaambe.

____________________________________________________________________________________

ಮಳೆ ಹನಿ

ಮುಗಿಲ ಮೇಲೇರಿ ನಲಿಯುವ ಮನದಲ್ಲಿ…….
ನಲಿವು ನೋವುಗಳು ಹಲವುಗಳಿರಲಿ…….
ಸ್ಪಂದಿಸುವ ಸುಂದರ ಒಂದು ಹೃದಯವಿದ್ದರೆ………..
ಭಾವನೆಗಳು ಹರಿಯುವವು ಮಳೆಯ ಹನಿಯಾಗಿ.

mugila meleri naliyuva manadali……
nalivu novugalu halavugalirali…….
spandisuva sundara ondu hrudayaviddare……
bhaavanegaLu hariyuvavu maLegala haniyaagi.

____________________________________________________________________________________

ಹೃದಯದ ಬೇಲಿ

ಮುಂಜಾನೆಯಲ್ಲಿ ಕಂಡ ಕನಸು……ನನಸಾಗುವುದೇ???
ನನಸಾಗದಿದ್ದರೂ, ಕನಸು ಕಾಣುವುದಾ…..ಬಿಡಲಾಗುವುದೇ???
ಬಾವ ತುಂಬಿದ ಮನಸ್ಸಿಗೆ ಬೇಲಿಯ……..ಹಾಕಬಹುದೇ???
ಸೋಲೇ ಕಾಣದ ಬದುಕನ್ನು ಬಾಳಲಾಗುವುದೆ.???

munjaaneyalli kanda kanasu…..nanasaaguvude???
nanasaagadiddaru, kanasu kaanuvudaa……..biDalaaguvude???
bhaava tumbida manassige beliyaa……haakabahude???
sole kaanada badukannu baaLalaaguvude.

____________________________________________________________________________________

ಪ್ರೀತಿಯೇ ಹೀಗೆ

ಅರಳುವಷ್ಟರಲ್ಲೇ….ಹೂವು ಬಾಡಿ ಹೋದ ಹಾಗೆ……
ನೆನೆಯುವಷ್ಟರಲ್ಲೇ……ಮಳೆಯು ನಿಂತು ಹೋದ ಹಾಗೆ…..
ಮುನ್ನುಡಿಯ ಮೊದಲೇ…..ಕಥೆಯು ಅಂತ್ಯ ಕಂಡ ಹಾಗೆ……
ಇದುವೇ ನನ್ನ ಬಾವನೆಗಳು ನನ್ನಲೇ ಉಳಿದ ಬಗೆ.

araLuvashtaralle……hoovu baadi hoda haage……
neneyuvashtaralle……maleyu nintu hoda haage……
munnudiya modale…..kateyu antya kanda haage……
iduve nanna bhaavanegaLu nannalle uLida bage.

____________________________________________________________________________________

ಮೌನ ಕವನ

ಮುಗ್ದತೆ ತೋರುವ ನಿನ್ನೆಯ ನಯನ…….
ಹೇಳಿತ್ತು ನನಗೆ ಪ್ರೀತಿಯ ಕವನ………
ಸುಂದರ ಮೊಗದಲಿ ಯಾಕಿ ಮೌನ ?????
ಪ್ರೇಮ ಕಥೆಯಲ್ಲಿ ಸಲ್ಲದು ಕದನ.

mugdate toruva ninneya nayana……
heLittu nanage preetiya kavana…….
sundara mogadali yaaki mounaa ???
prema katheyalli salladu kadana.

____________________________________________________________________________________

ಪ್ರೇಮ ಕುಟೀರ

ನಿನಗಾಗಿ ನನ್ನೆದೆಯಲ್ಲಿ ಪ್ರೀತಿಯ ಸಾಗರ……
ತುಂಬಿದೆ ಮನಸ್ಸಲ್ಲಿ ಭಾವನೆಗಳ ಮಹಾಪೂರ.
ನಾನಾಗಿರುವೆ ನಿನ್ನೆಯ ಸವಿನೆನಪುಗಳ ಕುಟೀರ….
ಕಾಡದೆ ಮೂಡಿಸು ಇಬ್ಬರಲು ಒಲವಿನ ಜೇಂಕಾರ.

ninagaagi nannedeyalli preetiya saagara……
thumbide manassalli bhavanegaLa mahapoora.
naanagiruve ninneya savinenapugaLa kuteera……
kaadade moodisu ibbaralu olavina jenkaara.

____________________________________________________________________________________

ಕಣ್ಣಂಚು

ಚಂದಿರನ ಬೆಳದಿಂಗಳ ಅಂಗಳದಲ್ಲಿ…….
ಆಡುತಿರುವ ಮುಗ್ದ ಕಂದಮ್ಮನ ಕಂಡಂತೆ……..
ನಿನ್ನ ಸುಂದರ ನಯನಗಳ ಅಂಚಿನಲ್ಲಿ……….
ಕಂಡೆ ನಾ ನನ್ನನ್ನೇ ನಿನ್ನ ಪ್ರೀತಿಯಂತೆ.

chandirana beLadingaLa angaLadalli……..
aadutiruva mugda kandammana kandante…….
ninna sundara nayanagaLa anchinalli…….
kande naa nannanne ninna preetiyante.

____________________________________________________________________________________